Mishi i gjelit të detit kombinohet shumë mirë me ushqmine të ndryshme si patatet e ëmbla, perimet, proshutën ose kërpudhat.
Prandaj kjo recetë është perfekte për të gatuar lehtësisht një pjatë të dytë dhe për të pasuruar tryezën tuaj.
Edhe pse gjeli i detit është më pak i përdorur se pula, AgroWeb.org ju fton ta provoni këtë recetë si për butësinë ashtu edhe për vetitë e saj të shijshme dhe të shëndetshme.
Përbërësit
1 kg kofsha të gjelit të detit
600 g patate
50 ml verë e bardhë
2 thelpinj hudhër
40 g gjalpë
kripë për shije
Për marinimin duhen:
40 ml vaj ulliri ekstra i virgjër
1 degëz rozmarinë
kripë dhe piper i zi për shije
një lugë gjelle majdanoz i copëtuar
30 ml lëng limoni
Erëza të ndryshme për shije si : turemik, xhenxherfil dhe koriandër.
Përgatitja
Për të përgatitur gjelin e pjekur, filloni duke pastruar dhe larë kofshët mirë.
Më pas në një enë jo shumë të madhe vendosni kofshët e gjelit dhe shtoni sipër vaj, majdanoz, kripë, rozmarinë, erëza dhe lëngun e limonit.
Përzieni gjithçka me duar dhe mbulojeni duke e lënë të marinohet për 1 orë.
Ndërkohë, lani, qëroni dhe prisni patatet në gjysmë ose nëse dëshironi lërini të plota.
Në një enë pjekjeje vendosni mishin e marinuar duke i shtuar verë, hudhra, vaj ullri dhe patatet.
Mbulojeni enën me letër alumini dhe vendoseni në furrë në temperaturë 200 °, për 30 minuta.
Pas 30 minutash, hiqeni nga furra, hiqni letrën e aluminit dhe ktheni pjesët e gjelit të detit.
Vendoseni përsëri në furrë për 50-60 minuta.
Kthejeni shpesh përbërësit për t’i skuqur mirë, dhe spërkatni me lëngun e gatimit.
10 minutat e fundit shtoni pak gjalpë për të krijuar një sipërfaqe krokante./AgroWeb.org
