Një nga recetat me të cilat Ballkani krenohet më shumë është sallata tradicionale e fshatit që ka përbërës si: domatet, qepët, kastraveci, speci jeshil, ullinjtë, djathi i bardhë dhe rigoni.
Në thelb, kjo sallatë nuk është një produkt specifik i një shteti të vetëm, por ka të bëjë me kombinimin perfekt të ushqimeve më të dashura për konsumatorët e Ballkanit Perëndimor.
Sallata e Fshatit, Receta e Re Me Përbërës Surprizë
Së fundmi, kjo sallatë po njeh përbërës të rinj. Dy prej tyre janë avokado dhe sallata jeshile.
Në AgroWeb.org do të mësoni recetën e sallatës së fshatit me avokado.
Përbërësit:
- Treçerek filxhan çaji vaj ulliri
- 2 lugë gjelle uthull vere
- 1 lugë çaji hudhër të grirë,
- 2 lugë çaji rigon të thatë,
- Kripë
- 1 kastravec i prerë në copa,
- 4 domate të prera në copa,
- 1 spec jeshil i pastruar nga farat dhe i prerë në copa
- Gjysëm qepe e kuqe e prerë hollë,
- 200 gramë djathë të bardhë të prerë në kubikë të vegjël,
- 80 gramë ullinj,
- 1 avokado e prerë në copa.
Përgatitja e Sallatës së Fshatit
Në një enë qelqi përzieni vajin e ullirit, uthullën, hudhrën, rigonin dhe kripën për t’ia hedhur më vonë sallatës.
Më pas, në enën e sallatës hidhni qepët, kastravecin, domatet, djathin, ullinjtë, specin jeshil dhe avokadon.
Përziejini mirë dhe më pas hidhni salcën e marinimit.
Kjo sallatë serviret krah gatimeve të mishit të pulës, qingjit dhe viçit.
Vlerat e Avokados
- Avokado përmban sasi të mëdha të vitaminës K, C, B5, B6, E, folat, magnez, mangan, zink, bakër, hekur, dhe fosfor.
- Përmban më shumë kalium se banania dhe mban tensionin e gjakut në nivel normal.
- Është plot me acide yndyrore mono-të-pangopura që janë shumë të shëndetshme. Acidi oleik që gjendet tek avokado ul inflamacionin.
- Është plot me fibra e cila ndihmon me rënien në peshë, ul nivelin e sheqernave në gjak dhe ka lidhje të drejtpërdrejtë me uljen e rrezikut ndaj një sërë sëmundjesh.
- Mund të ulë nivelet e triglicerideve dhe kolesterolit. Studimet kanë treguar që ngrënia e avokados mund të ulë rreziqet për sëmundjet e zemrës që vijnë nga kolesteroli dhe trigliceridet në gjak.
- Është i mbushur me antioksidantë të fuqishëm. Avokado përmban ushqyes siç janë luteina dhe zeaksanthina që janë tepër të rëndësishëm për shëndetin e syrit dhe ulin rrezikut e sëmundjeve të tij.
- Mund të ndihmojë në lehtësimin e simptomave të artritit dhe rënien në peshë./AgroWeb.org
