Nëse preferoni ëmbëlsira me fruta, atëherë do ta dashuroni këtë tortë me fistikë dhe portokalle.
Në këtë recetë AgroWeb.org ju tregon mënyrën e veçantë të përgatitjes së kësaj torte me shije portokalli.
Kini parasysh se në vend të portokallit mund të përdorni edhe agrume të tjera.
Përbërësit
150 g fistikë të pjekur dhe të kripur
1 filxhan miell
1/2 lugë çaji me pluhur pjekje
1/4 lugë arrë myshk (arrë moskat)
1 filxhan sheqer
1/2 filxhan me gjalpë pa kripë
1 e 1/2 lugë çaji me ekstrakt vanilje
3 vezë
3 portokalle dhe 1/2 filxhan lëng portokalli
1 lugë çaji mjaltë
2 gota kos
Hapat që duhet të ndiqni
Fillimisht ngrohni furrën në 160 ° C dhe në një tavë të përshtatshme për tortë, shtroni një letër furre.
Më pas, në një tas vendosni së bashku miellin, pluhurin pjekës, arrëmyshkun. Lëreni këtë përzierje mënjanë.
Kombinoni 1⁄4 filxhan me fistikë dhe 1 lugë sheqer në një mikser dhe përpunojini derisa të thërmohen plotësisht. Ndërsa pjesën e mbetur të fistikëve çopëtojini. Edhe këtë përzierje lëreni mënjanë.
Rrihni gjalpin dhe 1 filxhan sheqer në mikser, dhe më pas shtoni një e nga një vezët dhe ekstraktin e vaniljes. Pasi të shtoni vezën e fundit, vazhdoni t’i rihni për 1 minutë derisa përzierja të fryhet dhe të jetë e lehtë.
Shtoni në të përzierjen e përgatitur më parë të miellit, pluhurit pjekës dhe arrë myshkut dhe përpunojini sërisht.
Pasi të keni përftuar masën e brumit, në tavën e përgatitur përhapni në mënyrë të një trajtshme brumin dhe spërkateni sipër me sheqer dhe fistikët e copëtuar.
Piqeni për rreth 1 orë e 20 minuta. Lëreni fillimisht të ftohet dhe më pas hiqeni duke e vendosur në një ënë të përshtatshme.
Në një enë tjetër vendosni lëngun e portokalit dhe mjaltin dhe lërini derisa të ziejnë. Hiqeni nga nxehtësia dhe lëreni ftohet.
Në pjesën e sipërme të tortës shtoni kosin dhe më pas portokallin e prerë në feta duke e zbukuruar me përbërjen e mjaltit me lëngun e portokallit. Në fund zbukurojeni me fistikët e copëtuar.
