Moti i ftohtë, me rreshje shiu e dëbore ka pushtuar Shqipërinë.
Kjo situatë moti e acartë ka mbizotëruar të gjithë territorin, ku më të prekura janë zonat malore.
Duket si një situatë e pashpresë për përmirësim, por sipas sinoptikanëve ditët e acarta parashikohen deri në mes të Janarit.
Sot, sipas të dhënave të AgroWeb.org, do të vijojnë reshjet e shiut në bregdet dhe zonat e ulëta.
Por do të ketë dëborë në zonat malore në 100 m mbi nivel deti në Veri dhe mbi 400 m në Jug.
Pjesa e dytë e ditës pakëson reshjet në gjithë vendin, megjithese dëbora zbret në 200-300 metra mbi nivel deti.
E premtja përmirëson kushtet e motit por do te kete vranësira të shpeshta dhe reshje të pakta shiu e dëbore. Fundjava sjell kryesisht mot te kthjellet edhe pse ftohtë.
Temperaturat e ajrit sot janë rritur lehtë në mëngjes duke shënuar -5 gradë celcius në zonat malore por nga 2 ne 4 gradë celcius në zonat e Ultësirës.
Dita e premte ul sërisht me 3 gradë temperaturat e mëngjesit ndersa e premtja në mesditë sjell rënie të lehtë të temperaturave.
Kur Do të Dalë Dielli
Sipas informacioneve të marra nga AgroWeb.org, e shtuna dhe veçanërisht e diela pritet të sjellë pak rreze dielli në Shqipëri.
Moti do të vijojë i ftohtë por me më pak rreshje shiu dhe dëbore.
Sipas Shërbimeve Ndërkombëtare Meteorologjike si BBC Weather apo AccuWeather, në Tiranë teperaturat të dielën pritet të jenë rreth 10 / -1 gradë celcius.
Në Korçë rreth 0 /- 7 dhe pa rreshje, në Gjirokastër 8 / -1 dhe në Kukës 4 / -4 gradë.
Edhe pse pritet të dalë dielli, i ftohti do të vijojë. Ndaj, vishuni ngrohtë kur jeni në ambiente të jashtme dhe të ftohta.
Agroweb.org këshillon të evitoni të dilni jashtë në orët e para të mëngjesit dhe orët e vona të darkës.
Qëndroni në ambiente të ngrohta dhe të ajrosura herë pas here./AgroWeb.org
