Vetëm pak momente më parë Minsitria e Shëndetësisë publikoi njoftimin e ri në lidhje me gjendjen e pacientëve të prekur me COVID-19.
Njoftimi konfirmon viktimën e dytë të shënuar prej koronavirusin në vendin tonë.
Bëhet fjalë për pacientin 66-vjeçar nga Lushnja, i cili ishte shtruar në Spitalin Infektiv dhe gjendej në terapi intensive.
Sipas të dhënave të mjekëve të cilët e kanë trajtuar, pacienti vuante edhe nga sëmundje të tjera.
Insuficenca kardiake, edema pulmonare dhe insuficenca renale kanë vashtirësuar gjendjen e tij.
Ky rast e çon shifrën e viktimave nga COVID-19 në 2, pas rastit të zonjës 73-vjeçare që ndërroi jetë në Spitalin e Durrësit.
Ministria e Shëndetësisë bën thirrje për zbatim të masave të përcaktuara nga OBSH, ISHP dhe mjekët infeksionist.
Tanimë rregullat janë një domosdoshmëri, deklarojnë mjekët, për të kufizuar përhapjen e mëtejshme të këtij virusi.
Qytetarët duhet të tregojnë kujdes me higjienën e tyre, të shmangin kontaktet e ngushta me persona të tjerë nëse ndjejnë simptoma.
Gjithashtu një thirrje shkon edhe pë rata që kanë udhëtuar së fundmi nga vendet e prekura, që të tregohen të sinqertë me historinë e udhëtimit.
Një tjetër pikë e rëndësishme është edhe distancimi social i cili nuk lejon përhapjen e virusit COVID-19 tek persona të tjerë./AgroWeb.org
