Nëse të ka rastisur të dalësh rrugëve këto ditët e fundit, mund të të ketë zënë veshi një lajm që po qarkullon në vend sipas të cilit, Izraeli po prodhon masivisht vaksinën kundër COVID-19 dhe do ta shpërndajë nga ajri nëpër të gjithë botën.
Ky është pretendimi që ekspertë e kanë dëgjuar jo më pak se në fundin e Prillit nga njerëz të ndryshëm në Tiranë.
Natyrshëm na lindi pyetja nëse është një lajm i vërtetë apo i rremë.
Si Qëndron e Vërteta Me Vaksinën Nga Izraeli?
Në këtë pretendim ka diçka të vërtetë. Shkencëtarët në Institutin Për Studime Biologjike Në Izrael po punojnë për zhvillimin e një vaksine. Ky institut është një organizatë civile që më parë është administruar nga Ministria e Mbrojtjes.
Sipas një prej të përditshmeve izraelite Haaretz, ka qenë pikërisht kryeministri Benjamin Netanjahu që me 1 Shkurt i kërkoi Institutit në fjalë të punojë për shpikjen e vaksinës.
Është e vërtetë që shkencëtarët mendojnë se kanë arritur rezultate mbresëlënëse dhe do të bëjnë një lajmërim për këtë së shpejti.
Nga ana tjetër, Manfred Green, ish ekspert vaksinash në Ministrinë e Shëndetësisë tha se procesi i krijimit të një vaksine mund të kërkojë deri në 18 muaj.
Gjatë një interviste për Times of Israel, ai tha se një proces i nxituar është i gabuar.
Gara Globale Për Gjetjen e Një Vaksine.
Në mbarë botën ekspertët po punojnë për gjetjen e një vaksine.
Kompania farmaceutike amerikane Johnson & Johnson njoftoi më herët se në muajin shtator do të nisë testimin e vaksinë eksperimentale të krijuar prej dhe se vaksina mund të jetë gati për përdorim nga fillimi i vitit të ardhshëm.
Sipas Johnson & Johnson, nëse eksperimenti tek njerëzit del me sukses, ajo mund të prodhojë më shumë se 1 miliard doza.
Organizata Botërore e Shëndetësisë se edhe nëse gjendet dhe testohet një vaksinë, ajo mund të dalë në treg vetëm nga mesi i vitit të ardhshëm. /AgroWeb.org
