Kafshët po zhvillohen më shpejt për të përballuar ndryshimet klimatike, por çfarë ndodh me ato specie që kanë vështirësi të përshtaten?

Një studim i ri, i publikuar nga Universiteti Deakin në Australi, zbuloi se veçanërisht zogjtë po zhvillohen me sqepa, këmbë dhe veshë më të mëdhenj për të mbajtur nën kontroll temperaturat e trupit.

Studiuesja e shpendëve Sara Ryding u shpreh se ndryshimi i klimës nuk është çështje që kërkon të përshtaten vetëm njerëzit, por edhe speciet e tjera.

“Është koha të kuptojmë që kafshët gjithashtu duhet të përshtaten me këto ndryshime, por kjo po ndodh në një afat kohor shumë të shkurtër,” – u shpreh Ryding.

Ndryshimet klimatike janë presion mbi kafshët dhe shpendët që të përshtaten në një kohë të shkurtër, por ndërsa specie mund ta bëjnë këtë, të tjera jo.

Kjo formë e shpejtë e ndryshimit ka sjellë një rritje 4-10% të tipareve të papagallëve australianë.

Një zog i vogël këngëtar i quajtur “junco” me sy të errët në Amerikën e Veriut gjithashtu duket se po evoluon me një ritëm të shtuar, nënvizon studimi.

Por nuk janë vetëm zogjtë. Studiuesit e përfshirë në studim përmendën rritjen e gjatësisë së bishtit të minjve të drurit.

Jo të gjitha kafshët do të mësojnë të përshtaten

Sara Ryding theksoi se ndryshimet nuk janë shenjë se kafshët po përballen mirë me ndryshimet klimatike.

“Ata po ndryshojnë për t’i mbijetuar situatës. Ne nuk jemi të sigurt se kush janë pasojat e tjera ekologjike të këtyre ndryshimeve, apo nëse të gjitha speciet do të jenë të afta të ndryshojnë dhe mbijetojnë.

Mbi 30% e specieve që jetojnë nëpër pemë kërcënohen nga zhdukja.

Burimi: Euronews Albania