Prindërit në kohën e koronavirusit janë shumë të stresuar, pasi u duhet të merren me fëmijët, punën, qoftë edhe me vetë shtëpinë.
Por nëse po përpiqeni ta fshihni stresin nga të vegjlit, dijeni se kjo nuk do të funksionojë, të paktën sipas studimit të ri të botuar në revistën “Family Psychology”.
Vetëm fëmijët nuk kanë nevojë të jenë të vetmuar gjatë pandemisë
“Nëse jeni të stresuar dhe thjesht thoni:” Oh, unë jam mirë “, kjo ju bën më pak të disponueshëm për fëmijën,”- tha autorja e studimit Sara Waters, një profesoreshë ndihmëse në departamentin e zhvillimit njerëzor në Universitetin Shtetëror të Uashingtonit.
Nëse ju fshihni stresin të njëjtën gjë do të fillojnë të bëjnë edhe fëmijët.
“Këto janë gjetje interesante në lidhje me mënyrën sesi fiziologjia e trupit tonë lidhet me fëmijët, për mirë apo për keq“,- tha Dr. Jenny Radesky, një pediatre e zhvillimit të sjelljes që jep mësime në Universitetin e Miçiganit.
“Këto janë mënyrat e pashprehura që fëmijët ushqehen prej nesh, ndiejnë gjendjet tona emocionale dhe reagojnë vetë emocionalisht,”- tha ajo. “Ka kaq shumë gjëra për të cilat stresohemi nga Covid-19 sa nuk duam t’ua shprehim fëmijëve, siç janë shqetësimet për shëndetin ose financat,”- shtoi Radesky.
“Emocionet e fshehura nuk zhduken, por qëndrojnë nën lëkurë. Dhe siç e dinë shumica e prindërve, ato mund të shfaqen më vonë në formën e nervozizmit, duke reaguar shumë ndaj fëmijëve ose duke bërtitur.”
“Kjo do të thotë se një prind shpërqendrohet duke u përpjekur ta mbajë të fshehtë stresin, por fëmijët ndryshojnë shumë shpejt sjellje për t’u përputhur me prindin,“- tha Waters.
Dallimet në dinamikën prind-fëmijë
Një konstatim interesant ishte një ndryshim midis nënave dhe baballarëve. Kur nënave iu tha t’i fshihnin emocionet, fëmijët shfaqën edhe më shumë shenja stresi. Ndoshta kjo për faktin se baballarët mund t’i fshehin emocionet rreth fëmijëve më shumë sesa nënat, tha Waters.
Çfarë duhet të bëni?
“Kur shprehim emocionet dhe tregojmë se ato janë të dukshme dhe të menaxhueshme, ne u mësojmë fëmijëve që mund të bëjnë të njëjtën gjë.”- përfundoi ajo./Burimi:Panorama
