Brokoli është një nga ushqimet më të shëndetshme për organizmin dhe mirëqenien e njeriut.
Ai është i pasur në vitamina, minerale e ushqyes të cilat mund të përthithen më mirë nëpërmjet një gatimi minimal të perimes.
Në këtë artikull të AgroWeb.org do të mësoni recetën e thjeshtë dhe të shijshme të brokolit me hudhër dhe limon.
Brokoli Me Hudhër Dhe Limon
Përgatitja:
Zieni ujin në tenxhere. Mjafton një gotë me ujë për zierjen e tufave të brokolit.
Shtoni 4 filxhanë me brokoli dhe ziejini për 2 ose 3 minuta deri sa perimja të zbutet pak.
Në një tigan tjetër hidhni një lugë çaji me vaj ulliri dhe një lugë gjelle me hudhër të grirë.
Më pas hidhni tufat e brokolit dhe kavërdisini për 30 sekonda.
Shtoni një lugë çaji me lëkurë limoni
Një majë luge me kripë dhe po aq me piper të zi të bluar.
Servireni duke e spërkatur me lëng limoni të freskët.
Këtë recetë mund ta përdorni edhe me perime të tjera siç është lulelakra apo lakrat e vogla.
Vlerat ushqyese të brokolit
Brokoli është një burim i shkëlqyer i vitaminave dhe mineraleve.
Në një filxhan me brokoli të gatuar gjenden 54 kalori dhe 4 gramë proteinë bimore.
Në të gjendet gjithashtu 20% e dozës së rekomanduar të fibrës.
Ky racion me brokoli plotëson nevojat ditore për vitaminë C, K, A dhe folat.
Siç e dini, vitamina A përmirëson shikimin, por është e rëndësishme edhe për lëkurën.
Brokoli është i pasur me vitaminë B6, kalcium, hekur dhe vitaminë E.
Hekuri është i domosdoshëm për një gjak të shëndetshëm, ndërkohë që kalciumi forcon kockat dhe hormonet.
Vitamina E luan një rol thelbësor për një lëkurë të shëndetshme, por ajo mbështet mbi të gjitha zemrën, shikimin dhe trurin.
Brokoli përmban 12 herë më shumë vitaminë K se lulelakra.
Brokoli gjithashtu ofron 5 herë më shumë vitaminë A, më shumë vitaminë B6, tre herë më shumë folat dhe 10 herë më shumë vitaminë E./AgroWeb.org
Lini një Përgjigje