Argjinarja është një perime fisnike e një klasi të lartë.

Bima gjembaçe e argjinares është njohur prej kohësh si “Mbretëresha e Perimeve”.

Ky gjembaç i madh ka një shije shumë unike dhe një finesë të pakrahasueshme në kombinimin mes të ëmblës dhe të hidhurës.

Argjinarja është jo vetëm e pasur në vlera ushqimore por edhe shumë e shijshme.

Në këtë artikull të AgroWeb.org do të gjeni dy receta të thjeshta për gatimin e argjinares.

Salcë Me Spinaq Dhe Argjinare

Për përgatitjen e kësaj recete ju nevojiten:

Gjysmë luge gjelle gjalpë

1 qepë e grirë hollë

3 thelbinj hudhre të grirë hollë

1 filxhan çaji me argjinare të pastruara

3 filxhanë çaji spinaq

110 gramë speca djegës të vegjël të prerë në copa të vogla

2 lugë gjelle majonezë

2 lugë gjelle krem djathi

Lëngu i një limoni.

Vendosni tiganin në zjarr dhe hidhni gjalpin.

Kaurdisni qepët dhe hudhrën në temperaturë mesatare për rreth pesë minuta.

Shtoni argjinaren, spinaqin, specat djegës, majonezën, kremin e djathit dhe lëngun e limonit.

Përziejini rregullisht përgjatë pesë minutave.

Shtoni kripë dhe piper dhe hiqeni nga zjarri.

Kjo salcë shoqërohet shumë mirë me pitet e shtëpisë ose sufllaqe.

Argjinare Të Skuqura Në Vaj Ulliri

Argjinaret e skuqura në vajin e ullirit ngjajnë si një kurorë e artë që zbukuron pjatën.

Shija e tyre është fantastike.

Argjinaret pastrohen nga bishti. Nëse majat e luspave të jashtme janë të forta, duhet t’i prisni, në të kundërt, jo.

Shtypni secilën prej argjinareve nga pjesa e poshtme në mënyrë që gjethet e jashtme të përhapen në një mënyrë të tillë që të formojnë një formë lule dielli.

Përdorni argjinaret e vogla. Skuqini në vaj ulliri deri sa të marrin atë ngjyrën e bronxit.

Vendosini argjinaret e skuqura në një enë të mbuluar me letër kuzhine në mënyrë që të thahet yndyra e tepërt.

Spërkatini me kripë dhe shijoni gjethet krokante si patatina ndërkohë pjesa e butë do t’ju japë një shije triumfuese./AgroWeb.org/