Ka gjithnjë një arsye të mirë për të përgatitur një ëmbëlsirë.
Keku është një ndër recetat më të thjeshta dhe të shijshme, i cili mund të përgatitet shpejt për të gjithë familjen.
AgroWeb.org sot ju sugjeron recetën e kekut me vanilje dhe xhinxher, e cila do t’ju mbushë shtëpinë me aromë të mrekullueshme.
Përbërësit
300 ml ujë i ngrohtë
300 ml shurup ose lëng molle
2 lugë gjelle sheqer
2 vezë
170 ml vaj luledielli
2 lugë çaji pluhur vanilje
300 gr miell
2 copa të vogla xhinxher ose 2 lugë çaji xhinxher pluhur
2 lugë çaji kanellë
10 gr sodë për ëmbëlsira
1 lugë çaji sodë buke
1 lugë gjelle mjaltë
Shurupi i mollës
Për këtë recetë do t’ju duhet shurup molle nëse shurupi i mollës nuk ju gjendet ju mund ta përgatisni fare lehtë në 5 minuta.
Për të përgatitur shurupin e mollës do t’ju duhet një mollë, një lugë e vogël kanellë, një gotë ujë dhe pak mjaltë.
Qëroni mollën dhe hidheni të ziejë në një tenxhere me një gotë ujë më pas shtoni kanellën.
Lëreni të ziejë për 5 minuta në zjarr të avashtë dhe më pas kulloni lëngun nga mollët dhe shurupi është gati.
Në fund mund t’i shtoni pak mjaltë sipas dëshirës.
Përgatitja e brumit
AgroWeb.org ju këshillon të ngrohni furrën paraprakisht në temperaturën 175 -180 gradë.
Përgatisni një tavë rrethore me diametër rreth 22cm.
Visheni tavën me letër pjekje duke e lyer me gjalpë dhe e spërkatur me pak miell.
Vendosni në zjarr sasinë e ujit për t’u zier dhe pasi të jetë gati bashkojeni me shurupin e mollës.
Pasi të keni bashkuar këto sasi shtoni sheqerin dhe përziejeni derisa të jetë shkrirë plotësisht.
Në një enë tjetër rrihni vezët me vajin e lulediellit dhe ekstraktin e vaniljes duke përdorur një mikser elektrik me shpejtësi të ulët.
Më pas shtoni këtë masë tek ena tjetër ku ndodhet uji me shurupin e mollës duke i përzier mirë.
Bashkoni miellin me sodën për embëlsira dhe pak sodë buke duke shtuar kanellën dhe copat e xhinxherit të grira.
Më pas filloni ta shtoni miellin tek ena tjetër ku ndodhet masa e lëngshme.
Përzieni me kujdes në mënyrë që të mos krijohen kokrriza.
Bëjeni këtë derisa i gjithë mielli të ketë mbaruar dhe të keni përfituar një masë brumi të trrashë.
Hidheni në tavën e pjekjes dhe lëreni të piqet në temperaturë të ulët në 75-80 gradë duke e kontrrolluar nëse është pjekur herë pas here.
Lëreni të ftohet në tavë për të paktën një orë dhe më pas mund ta shërbeni sipas dëshirës duke e spërkatur me mjaltë, sheqer pluhur apo kanellë./AgroWeb.org
