Me rritjen e temperaturave, thatësirat dhe infeksionet gjithnjë e më të shumta, një pjesë e rëndësishme e ushqimeve të globit janë në prag zhdukjeje.
Shkencëtarët kanë identifikuar ushqimet që mund të zhduken ose të pësojnë një rënie drastike në prodhim.
Avokado
Rritja e të paktën 3 avokadosh kërkon minimalisht 272 litra ujë.
Thatësirat ndërkohë po godasin shumë prej vendeve prodhuese të avokados, gjë që pritet të ndikojë ndjeshëm në furnizimin global të avokados.
Bananet
Bananet e varietetit Cavendish që mbërrijnë në tryezën e konsumatorit anëembanë globit janë në rrezik zhdukjeje.
I gjithë faji është i sëmundjes Panama, një lloj myku që po shkatërron të mbjellat në Tajvan, Indonezi dhe Malajzi.
Ekspertët paralajmërojnë që kjo sëmundje do të arrijë edhe në brigjet e Amerikës Latine e cila eksporton shumicën e bananeve në botë.
Çokollata
Pema e kakaos është e ndjeshme ndaj mykut dhe baktereve. Varietetet genetike të kësaj peme janë tepër të kufizuara.
Kakaos i kanoset një tjetër rrezik që ka të bëjë me prishjen e ekuilibrave të avullimit dhe transpirimit.
Temperaturat gjithnjë e më të larta do të përthithin më shumë ujë nga toka dhe bimët ndërkohë që shirat që supozohet të rikthejnë lagështinë e humbur nga toka, do të pakësohen gjithnjë e më shumë.
Patatinat
25% e varieteteve të egra të patates pritet të zhduken nga viti 2055 për shkak të ndryshimeve klimatike.
Kësisoj ato i paraprijnë edhe zhdukjes së patatinave.
Kikirikët
25% e varieteteve të kikirikut pritet të zhduket deri në vitin 2055.
Kjo legume do ta ketë të vështirë të rritet falë ndryshimeve klimatike.
Peshku
Mbi 85% e sasisë globale të peshqve që gjendet në oqeane janë të rrezikuar nga peshkimi i paligjshëm.
Shumë specie të rrezikuara ku përfshihet peshku ton i Atlantikut priten të zhduken.
Ekspertët thonë se ekzistenca e shumë prej kolonive të peshqve në botë është në fije të perit.
Kafeja
Deri në vitin 2050, hapësira globale e përshtatshme për rritjen e kafesë do të përgjysmohet.
Nevoja për një terren të ri bashkë me ngrohjen globale do të ndikojë jo vetëm në cilësinë e kafesë por edhe në sasinë e saj.
Mjalti
Sipas të dhënave të AgroWeb.org ekzistenca e shumë kolonive të bletëve është e rrezikuar si pasojë e pesticideve dhe ndryshimeve klimatike.
Mungesa e bletëve nënkupton zhdukjen e mjaltit.
Luleshtrydhet
Temperaturat e larta dhe ngrohja globale janë tashmë përgjegjës në uljen e madhe të prodhimtarisë së luleshtrydheve në mbarë botën.
Situata, thonë ekspertët pritet të bëhet më keq.
Qiqrat
Një sasi prej 220 gramë qiqrash kërkon mbi dy mijë litra ujë.
Deri më tani, shkencëtarët kanë vënë re një rënie prej 50 përqind në të mbjellat e kësaj legumeje në mbarë botën.
Ngrohja globale pritet t’i përkeqësojë gjërat.
Qershitë
Fermerët globalë janë shumë të shqetësuar për temperaturat e larta dhe ndryshimet klimatike.
Tani pranvera vjen më herët, por përmbyllet me ngrica të cilat dëmtojnë ndjeshëm bimët.
Sipas të dhënave të AgroWeb.org shumë fermerë globalë kanë humbur të gjithë prodhimtarinë e qershive vetëm si pasojë e këtyre ngricave./AgroWeb.org
Lini një Përgjigje