Domatet janë një ndër dhuratat më bujare të natyrës. Ato përmbajnë antioksidantë të fuqishëm siç është likopeni.
Ky i fundit e mbron zemrën nga sëmundjet dhe organizmin nga kanceri.
Domatet janë gjithashtu të pasura me vitaminë C, kalium, folat dhe vitaminë K.
Ato janë pjesë e pandashme e një regjimi ushqimor Mesdhetar që njihet për efikasitetin e tij në shëndetin dhe mirëqenien e njeriut.
Ushqime të tilla si domatja, borziloku, vaji ekstra i virgjër i ullirit janë idealë në parandalimin e rrezikut të atakut në zemër, ishemisë apo problemeve të tjera kardiovaskulare.
Borziloku nga ana tjetër është i larmishëm në vlera dhe përfitime.
Ai është i pasur me antioksidantë dhe si rrjedhojë shërben si ushqim i domosdoshëm kundër inflamacionit.
Borzikolu është efikas në parandalimin e rritjes së qelizave kancerogjene, por edhe viruseve, infeksioneve dhe baktereve.
Ai përdoret dhe rekomandohet edhe kundër stresit dhe depresionit.
Borziloku është i pasur me vitaminën K që është e rëndësishme për koagulimin e gjakut.
Kjo barishte e njohur si Mbretëresha e Barishteve përmban edhe minerale si hekur, kalçiumi, manganic, magnezi, vitamina C dhe kalium.
Gjethet e freskëta të borzilokut përdoren kundër broshitit, malarjes, të vjellave, ekzemës, ulçerës në stomak e të tjerë.
Më poshtë do të mësoni për kombinimin e domates dhe borzilokut në një sallatë të shijshme dhe plot vlera.
Sallata Me Domate dhe Borzilok
Përbërësit:
- 2-4 domate
- 1 filxhan me gjethe të freskëta borziloku
- 1 thelpi hudhër të grirë hollë
- Uthull balsamike
- Val ulliri ekstra të virgjër
- Kripë dhe piper të freskët.
Përgatitja:
Ndajini domatet në copa të vogla dhe hidhini në pjatën e sallatës.
Në një tas qelqi, hidhni gjethet e borzilokut, hudhrën, uthullën balsamike dhe vajin e ullirit.
Shtoni kripë dhe piper dhe më pas hidheni në pjatë.
Kjo sallatë mund të serviret edhe me djathë Mocarella dhe kështu merr emrin e Sallatës Kapreze.
Kjo e fundit ndryshon nga sallata e thjeshtë me domate dhe borzilok sepse nuk kërkon uthull balsamike.
Për një shije më verore, këtë sallatë mund ta pasuroni edhe me kastravecë, rukola dhe qepë të kuqe. /AgroWeb.org
Lini një Përgjigje