Në dy ndërtesa anonime të kompanisë Pfizer, një në SHBA dhe një në Belgjikë, po zhvillohet një eksperiment i jashtëzakonshëm. Deri në 60 vullnetarë, të gjithë të rritur me jetë të shëndetshme, të moshës 18 deri në 60 vjeç, po marrin pilulën e parë të krijuar posaçërisht për të ndaluar SARS-CoV-2.

Nëse prova është e suksesshme, ka të ngjarë që një kurë në shtëpi për Covid-19 do të vihet në dispozicion më vonë këtë vit. Molekula që po testohet është një antiviral i koduar PF 07321332. Klasifikuar si një “frenues i proteazës”, ai është formuluar për të sulmuar “shtyllën kurrizore” të virusit SARS-Cov-2 dhe për ta ndaluar atë të zhvillohet te hundët, fyti dhe mushkëritë.

Pfizer po qëndron në heshtje në lidhje me detajet e testeve laboratorike që ka përfunduar, por thotë se ka vërtetuar “aktivitet të fuqishëm antiviral in vitro kundër SARS-CoV-2” si dhe aktivitet kundër koronavirusëve të tjerë.

“Ne kemi hartuar PF-07321332 si një terapi të mundshme orale që mund të përdoret në shenjën e parë të infeksionit, pa kërkuar që pacientët të shtrohen në spital ose në kujdesin kritik”, tha Mikael Dolsten, zyrtari kryesor shkencor në Pfizer. Deri më sot, ilaçi nuk është administruar tek njerëzit. Siguria e ilaçit është studiuar tek kafshët dhe nuk janë parë rreziqe të rëndësishme.

Nxjerrja e një ilaçi të ri në treg është një proces i gjatë dhe i vështirë, dhe edhe nëse PF-07321332 konstatohet se tolerohet mirë nga njerëzit, do të duhet të ndiqen provat zyrtare të fazës 3 për të vërtetuar nëse ilaçi funksionon kundër njerëzve të ekspozuar ndaj SARS-CoV-2./Burimi:BM