Kale është një produkt pak i njohur në Shqipëri, por një bimë që ka egzistuar në trojet tona prej vitesh.
Megjithëse kohët e fundit gjendet në treg dhe pikëpyetjet për të janë shpesh të mëdha.
Kale konsiderohet si një lloj lakre e egër e cila mund të gatuhet e konsumohet pasi përmban shumë vlera.
Ato ndihmojnë në uljen e kolesterolit, përmbajnë shumë fibra dhe pak kalori.
Në këtë artikull AgroWeb ju tregon një mënyrë interesante të gatimit të kales në formën e salcës për ta kombinuar me ushqime të tjera.
Përbërësit
200 gr lakër e zezë
50 gr arra
60 gr djathë kaçkavall i grirë
Spec djegës
Kripë
Vaj ulliri
Përgatitja
Për të nisur me përgatitjen e kësaj recete AgroËeb ju këshillon të pastroni mirën kalen, ta ndani në fletë dhe ta vendosni të ziejë në një tenxhere me ujë.
Lëreni në zjarr për 3-5 minuta e më pas kullojeni duke e shtypur mirë në mënyrë që të dalë uji i tepërt.
Më pas hidheni në një mikser bashkë me djathin e grirë kaçkavall, arrat dhe specin djegës.
Në fund shtoni rreth 40 ml vaj ulliri dhe përzieni mirë në mënyrë që të formoni një masë të butë e kremoze në formën e salcës.
Pasi të keni formuar këtë masë shtoni dhe 30 ml të tjera vaj ulliri e përzieni sërish.
Kur të keni një masë sa më homogjene, salca juaj është gati.
Atë mund ta përdorni menjëherë ose ta ruani në frigorifer në një enë hermetike për 2-3 ditë.
Nëse do ta ruani në girogrifer para se ta mbyllni shtoni dhe pak vaj në sipërfaqen e salcës në mënyrë që të mos thahet.
Këtë salcë mund ta shtoni në makarona, sallata, të lyeni bukën ose ta shijoni me djathë./AgroWeb.org
