Agjencia Evropiane e Barnave ka miratuar përdorimin e vaksinës anti-COVID Moderna për fëmijët nga 12 deri në17 vjeç. Kjo është hera e parë që vaksina rekomandohet për persona nën 18 vjeç.
Rregullatori i BE thotë se një kërkim tregon se në më shumë se 3 700 fëmijë doza ka prodhuar antitrupa në numër të krahasueshëm me antitrupat e prodhuara për të rriturit.
Dhimbje krahu, dhimbje kokë dhe lodhje ishin shenjat më të zakonshme që shfaqeshin tek të rinjtë gjatë testimit.
Vaksina, e cila është miratuar më parë për përdorim në Evropë për të rritur, është vaksina e dytë për fëmijë që licensohet nga Bashkimi Evropian.
Deri tani, vaksina e prodhuar nga Pfizer në bashkëpunim me kompaninë gjermane BioNTech ka qenë e vetmja që është përdorur për fëmijët në Evropë dhe Amerikën e Veriut.
“Përdorimi i vaksinës Spikevax tek fëmijët nga 12 deri në 17 vjeç do të jetë i njëjti si për personat mbi 18 vjeç”, thuhet në komunikatën e Agjencisë Evropiane të Barnave.
Vaksina do të injektohet në dy doza në muskulin e krahut të sipër në katër javë distancë kohore.
Pritet që dhe SHBA të marrë në konsideratë lejimin e përdorimit të vaksinës Moderna për të njëjtin grup moshe./Burimi:EuroNews
