Hulumtimet kanë treguar se sëmundjet kardiovaskulare janë shkaku më i zakonshëm i vdekjes për njerëzit me diabet të tipit 2.
“Pijet e ëmbëlsuara me sheqer dhe qumështi me yndyrë të plotë, janë faktorë rreziku për zhvillimin e diabetit të tipit 2 dhe sëmundjeve të parakohshme kardiovaskulare.”, tha autori i studimit Qi Sun.
“Bazuar në studimin tonë, unë do të rendijsa të parat kafen e zezë, çajin pa sheqer dhe ujin më lart se qumështi me pak yndyrë, lëngjet e frutave ose pijet e ëmbëlsuara artificialisht,” shtoi ai.
Më poshtë AgroWeb.org ju njeh me të dhënat e studimit.
Çfarë zbuloi studimi
Studimi në të cilin AgroWeb.org bazohet, analizoi të dhënat e gati 15,500 të rriturve me diagnozë të diabetit të tipit 2.
Pjesëmarrësit iu përgjigjën pyetjeve në lidhje me konsumin e tetë llojeve të ndryshme të pijeve.
Të tilla si: pije të ëmbëlsuara artificialisht, kafe, lëngje frutash, qumësht me pak yndyrë dhe të plotë, ujë, çaj dhe pije të ëmbla me sheqer.
Konsumi i më shumë se një pijeje të tillë në ditë konsiderohej një nivel i lartë konsumi, ndërsa konsum i ulët konsiderohej më pak se një pije e ëmbëlsuar me sheqer në muaj.
Ndërsa konsumimi i sasive të larta të kafesë, çajit, ujit dhe qumështit me pak yndyrë, u shoqërua me vdekshmëri më të ulët.
Duke parë në mënyrë specifike sëmundjet kardiovaskulare, të dhënat treguan se një konsum më i lartë i kafesë shoqërohej me një ulje prej 18% të rrezikut të sëmundjeve të zemrës. Studimi zbuloi se konsumi i qumështit me pak yndyrë zvogëlon shanset për të pasur probleme me zemrën me 12%.
Studiuesit u shprehën se për njerëzit që pinin shumë pije të ëmbla me sheqer përpara se të diagnostikoheshin me diabet të tipit ka ende një lajm të mirë.
Kur pijet e ëmbëlsuara me sheqer dhe ato artificiale pa kalori u zëvendësuan me kafe, çaj, ujë të thjeshtë dhe qumësht me pak yndyrë, rreziku i një vdekjeje të hershme u ul ndjeshëm.
Këshilla e studiuesëve është që për të parandaluar këto sëmundje kronike dhe të rrezikshme, njerëzit duhet të ulin konsumin e pijeve që konsiderohen të dëmshme, të njëjtën gjë duhet të bëjnë edhe ata që tashmë vuajnë në nga sëmundje të tilla./AgroWeb.org
Lini një Përgjigje