Peshku i skuqur futet tek mënyrat më të shijshme si mund ta shijoni atë.
Kjo është një pjatë që nuk ndjeh stinë dhe as kohë, ndaj mund ta përgatisni në çdo vakt për ta shijuar në shtëpitë tuaja.
Sardelet nga ana tjetër janë nga peshqit më të vegjël e më të shijshëm që mund të gjeni në vend.
Në këtë artikull nga AgroWeb.org do ju tregojmë se si t’i përgatisni ato të skuqura me më shumë shije se më parë.
Nëse ju pëlqejnë ushqimet krokante, sardelet tona do të jenë më shumë se kaq ndaj ndiqni këshillat mëposhtë.
Përbërësit
- 1 kg sardele
- 100 gr thërrime buke të thekur
- 2 thelpinj hudhër
- 2 vezë
- 1 limon
- 1 tugë majdanoz
- 2 domate të thara në vaj
- Vaj
- Kripë
Përgatitja
Për të përgatitur këtë recetë AgroWeb.org ju këshillon që të pastroni sardelet siç bëni zakonisht dhe lajini mirë me ujë të bollshëm.
Pastrojinia to nga koka dhe të brendëshmet, duke i hapur në mes në formën e një flete, gjithashtu mundohuni të hiqni edhe halat që ndodhen në mes.
Pasi ti keni hapur si një fletë dhe t’i keni larë mirë me ujë, thajini dhe vendosini në një tavolinë pune.
Ndërkohë filloni të grini hollë hudhrën, majdanozin, domatet e thara dhe hidhini të gjitha në një enë për t’i përzier mirë.
Merrni një lugë të vogël dhe tek sardelet e hapura si një fletë dhe shtrojeni këtë masë që përgatitët në pjesën e brendëshme të tyre.
Sipër vendosni një sardele tjetër po të hapur në mënyrë që të mbulojë mbushjen dhe ta mbajë atë në vend.
Hidhni vezët me pak kripë në një enë rrihini paksa ndërsa në një enë tjetër hidhni bukën e thekur të thërrmuar.
Më pas filloni të kaloni sardelet e mbushura fillimisht në enën me vezë e më pas në atë me thërrime buke.
Bëjeni këtë me të gjitha sardelet tuaja dhe vendosini të skuqen menjëherë në një tigan të mbushur me vaj nga 2 minuta në secilën anë.
Kur të marrin ngjyrë të artë kalojini në një pajtë të shtruar me letër në mënyrë që të përthithet vaji i tepërt e më pas mund t’i servirni duke i shtrydhur lëng limoni sipër./AgroWeb.org
Lini një Përgjigje